ನಿನ್ನ ಜಾತಿ ಯಾವ್ದು...? ಕವನ ವೆಂಕಟೇಶ ಚಾಗಿ NINNA JAATHI YAVDU KAVITE VENKATESH CHAGI

  ನಿನ್ನ ಜಾತಿ ಯಾವ್ದು...? *****


( ಕವನ )


ನಿರ್ಮಲ ಆಗಸದಿಂದ ಜಿಗಿದು ಬಂದ
ನಿರ್ಮಲ ಹನಿಗೆ
ಮೊದಲ ಪ್ರಶ್ನೆ ಸಿದ್ದವಾಗಿದೆ
ನಿನ್ನ ಜಾತಿ ಯಾವುದು...?
ಅಲ್ಲಿಗೆ.....
ಮೊದಲ ಮಲಿನ
ಮೊದಲ ಇರಿತ
ಮೊದಲ ಸಾವು 
ಹುಟ್ಟಿದಾಗಲೆ.....


ಇರಲಿ ಬಿಡು ಈ ಜಗವೇ ಹಾಗೆ
ಮತ್ತೊಂದು ಚಕ್ರ
ಹೆಜ್ಜೆಗಳ ಸದ್ದು ಅಡಗಿದೆ
ಜಾತಿಯ ಧ್ವನಿಗೆ
ನಗು...
ಅಳು...
ಸಿಟ್ಟು.... ದ್ವೇಷ...
ಎಲ್ಲವೂ ಇರಿಯುತ 
ಕೇಳಿವೆ
ನಿನ್ನ ಜಾತಿ ಯಾವುದು...

ಪೂಜೆ...ಮಡಿ...
ಕೊಚ್ಚೆ...ಕೊಳೆ..
ಅಲ್ಲೂ ಇದೆ .. ಇಲ್ಲೂ ಇದೆ
ಕಣ್ಣೀರಿಗೂ ಬೇಕಿತ್ತೆ ಜಾತಿಮುದ್ರೆ
ನೀರಲ್ಲಿ ನೀರಾದಾಗ
ಯಾವ ಹನಿಗಿದೆ ಜಾತಿ
ಎಲ್ಲ ಕಣ್ಣಿನ ಬ್ರಾಂತಿ
ಹಗಲು ...
ಇರುಳು...
ಛೇ.. ಇವುಗಳೂ ಇವೆಯಲ್ಲ
ಕೇಳಿಬಿಡಿ .. ನಿಮ್ಮ ಜಾತಿ ಯಾವುದು..


ಹುಚ್ಚು ಹುಟ್ಟಿಬಿಟ್ಟಿದೆ ಎಂದೋ
ಸಮುದ್ರವಾಗಿದೆ..
ಎಲ್ಲಾ ಹನಿಗಳ ಎಣಿಕೆ
ಈಗ ಸಾಗಿದೆ
ಪ್ರತಿ ಹನಿಗೂ ಜಾತಿಯ
ಮುದ್ರೆ ಬಿದ್ದಿದೆ...

ಆದರೆ....

ನೇಸರನ ನೆರಳಿಗೆ ಎಲ್ಲ ಸುಟ್ಟಿದೆ
ಆಡಂಬರಗಳು.. ಆತಂಕಗಳು
ಆ ಜಾತಿ.. ಈ ಜಾತಿ...
ಯಾವುದೂ ಜತೆಗಿಲ್ಲ
ಮತ್ತೆ ನಿರ್ಮಲ....
ಮತ್ತೆ ನಿರ್ಮಲ....
ಹನಿಯ ಪಯಣ ನಿರ್ಮಲದೆಡೆಗೆ..

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ದೇವರೇ, ನೀನೆಷ್ಟು ಒಳ್ಳೆಯವನು..!! | ಕವನ | ವೆಂಕಟೇಶ ಚಾಗಿ | Devare nineshtu olleyavanu | kavana | venkatesh chagi

ಇಮೇಜ್
    *** ದೇವರೇ, ನೀನೆಷ್ಟು ಒಳ್ಳೆಯವನು..!! ** ದೇವರೇ, ನಿನ್ನ ಸ್ವರ್ಗವನ್ನು ನಾವೀಗ ಆಧುನಿಕವಾಗಿ ಬದಲಾಯಿಸಿದ್ದೇವೆ ಕಾಂಕ್ರೀಟ್ ಕಾಡುಗಳು ಅಗಲವಾದ ಉದ್ದವಾದ ರಸ್ತೆಗಳು ಮಣ್ಣು ಕಾಣದ ಕೆಂಪು ಹಾಸು ಆಕಾಶಕ್ಕೆ ಕಪ್ಪು ಬಣ್ಣ ಗಾಳಿಗಿಷ್ಟು ಸುಗಂಧ ದ್ರವ್ಯ ಎಲ್ಲವೂ ಸುಂದರ ನಮಗಾಗಿ ಎಲ್ಲವನ್ನೂ ನೋಡಿ ನಗುತ್ತಲೇ ಇರುವೆ ದೇವರೇ, ನೀನೆಷ್ಟು ಒಳ್ಳೆಯವನು..!! ನಿನ್ನ ಮನೆ ಈಗ ಸಾವಿರಾರು ಮನೆಗಳು ಧರ್ಮಕ್ಕೆ, ಜಾತಿಗೆ , ಕ್ರಾಂತಿಗೆ; ಗಡಿಗಳೊಳಗೆ ನೀನು ನಾವು ಬಂಧಿ ಗಡಿಯಾಚೆಗಿನ ನೋವು ಹಸಿವು ಖಂಡಿತ ನಮ್ಮದಲ್ಲ ಗಡಿದಾಟಿ ಹಾರುತ್ತಿವೆ  ಮೂರ್ಖ ಹಕ್ಕಿಗಳು ನಕ್ಷತ್ರಗಳು ಎಲ್ಲದಕ್ಕೂ ನಿನ್ನ ಮೌನವೇ ಉತ್ತರ ದೇವರೇ, ನೀನೆಷ್ಟು ಒಳ್ಳೆಯವನು..!! ಪ್ರಾಣಿಗಳೆಲ್ಲಾ ದೇಹ ಹೊಕ್ಕಿವೆ ನೈತಿಕತೆಯ ಹೆಸರಿನಲ್ಲಿ ಸ್ವಾರ್ಥದ ಕೆಸರು ಗಟ್ಟಿಯಾಗಿದೆ ಎಲ್ಲವೂ ನಿನ್ನಿಂದಲೇ ನಿನಗಾಗಿಯೇ ನೀನು ಅಲ್ಲಿ ಶ್ರೀಮಂತನು ಇಲ್ಲಿ ನಮಗಿಂತಲೂ ಕಡು ಬಡವನು ನಿನಗಾಗಿ ಕೊಡದಿರುವುದು ಏನದೆ ನಗುತ್ತ ಕುಳಿತಿರುವೆ ನಾಲ್ಕು ಗೋಡೆಗಳ ನಡುವೆ ದೇವರೇ, ನೀನೆಷ್ಟು ಒಳ್ಳೆಯವನು..!! ನಿನ್ನ ಕರುಣೆಗಾಗಿ  ಅದೆಷ್ಟು ಪ್ರಾರ್ಥನೆಗಳು ಪೂಜೆಗಳು ಬಡವರು ಬಡವರಾಗಿ ಶ್ರೀಮಂತರು ಶ್ರೀಮಂತರಾಗಿ ಮೂಕಜೀವಿಗಳು ಮೂಕವಾಗಿ ಸತ್ಯಗಳು ಅಸತ್ಯಗಳಾಗಿ ಎಲ್ಲವನ್ನೂ ನೋಡುತ್ತಿರುವೆ ನಿನಗಿರುವ ಸಹನೆ ಯಾರಿಗೂ ಇಲ್ಲ ತೆಗಳಿದರೂ ಹೊಗಳಿದರೂ ಆರಾಧಿಸಿದರೂ ಕಡೆಗಣಿಸಿದರೂ ಕೊಟ್ಟರೂ ಕೊಡದಿದ್ದರೂ ...
ಇನ್ನಷ್ಟು ಓದಿ

ನಾನು ಬದಲಾಗಲಾರೆ ಕವನ ವೆಂಕಟೇಶ ಚಾಗಿ nanu badalaagalaare kavite venkatesh chagi

  ನಾನು ಬದಲಾಗಲಾರೆ  ಕವನ   ಸುಳ್ಳಿನ ಬರದೆಯನು ನನ್ನ ಮೇಲೆ ಹೊದಿಸಿದರೆ  ನೀವು ಅಂದುಕೊಂಡಂತೆ  ನಾನು ಬದಲಾಗಲಾರೆ  ನನ್ನ ನಾಲಗೆಯ ಮೇಲೆ  ಸುಳ್ಳಿನ ಬರೆಗಳನ್ನು ಹಾಕಿದರೇನು.. ನನ್ನ ನಾಲಗೆಯಿಂದ ನೀವು ಅಂದಂತೆ ನುಡಿಸಿದರೂ ನಾನು ಬದಲಾಗಲಾರೆ  ಶತ ಶತಮಾನಗಳ  ಶೋಷಣೆಯ ಗೂಡಿನಲ್ಲಿ  ಶೋಷಣೆಗೆ ಒಳಗಾದ ನಾನು  ನಿಮ್ಮ ಬಣ್ಣ ಬಣ್ಣದ ಮಾತುಗಳಿಂದ  ನಾನು ಬದಲಾಗಲಾರೆ  ನಿಮಗೆ ಗೊತ್ತೇ.. ನನ್ನ ಕೋಟ್ಯಾನು ಕೋಟಿ ಕನಸುಗಳು  ನನಸುಗಳಾಗಿಯೇ ಉಳಿದಿವೆ  ಕನಸುಗಳಿಗೆ ಇಲ್ಲಿ ಬೆಲೆ ಇಲ್ಲದೆ  ಬೆಳೆದು ಗಿಡಮರಗಳಾಗದೆ  ಭೂಮಿಯಲ್ಲಿಯೇ ನಾಶವಾಗಿವೆ  ನಿಮ್ಮ ಅನುಕಂಪದ ಅಲೆಯಿಂದ  ನಾನು ಬದಲಾಗಲಾರೆ  ನನ್ನ ಮೇಲೆ ಕಲ್ಲುಗಳನ್ನು ಹಾಕಿ ರಕ್ತ ಬಸಿಯುವಂತೆ ಮಾಡಿ  ಮನಸ್ಸನ್ನು ಗಟ್ಟಿಗೊಳಿಸಿರುವಿರಿ ಮನುಷ್ಯತ್ವದ  ಮುಖವಾಡ ಪ್ರತಿ ಹಗಲೂ ಇರುಳು ಧರಿಸುವಿರಿ ನಿಮ್ಮ ತಾಯ್ತನದ ವಾತ್ಸಲ್ಯಕೆ ನಾನು ಬದಲಾಗಲಾರೆ
ಇನ್ನಷ್ಟು ಓದಿ